So'nggi yangiliklar
Yangiliklar
Рамазон — саховат ва кўмак карвони эҳтиёжманд оилалар хонадони сари йўлга чиқди
Бу ойда қилинган хайру эҳсонларга, улкан ажр-савобларни беради. Шунинг учун ҳам қадимдан мусулмонлар Рамазон кирганда саховатлироқ бўлишга одатланганлар.
Президентимиз томонидан илгари сурилган инсон қадрини улуғлаш каби эзгу ҳаракатлар барча ҳудудларда бўлгани каби бугун эрта тонгдан Чуст туманида ҳам бошлаб юборилади. Бугун туман ҳокимлиги, сектор раҳбарлари ҳамда 72 та маҳаллалардаги ҳоким ёрдамчилари хайрли мақсад йўлида жам бўлишди.
Сектор раҳбарлари ташаббуси билан ҳоким ёрдамчилари томонидан озиқ-овқат ортирилган автокарвон орқали тумандаги 72 та маҳалладан аниқланган 325 нафар ногиронлиги бўлган бетоб ижтимоий ҳимояга муҳтож эҳтиёжманд оилаларга 6 хил турдаги озиқ-овқат маҳсулотлари ва 138 та хонадонга 980 дона паррандалар тарқатилди.
Бу каби тадбирлар туманда нафақат Рамазон ойида балки давомий ташкил этилиб келинмоқда.
Ўзбекистон Республикаси Вазирлар Маҳкамасининг “Ўзбекистон Республикасида 2023 йилда аҳолини рўйхатга олишга тайёргарлик кўриш ва уни ўтказиш чора-тадбирлари тўғрисида”ги 710-сон Қарорининг 1-иловасига билан 2023 йилда ахолини руйхатга олишга тайёргарлик кўриш ва уни ўтказиш тартиби тўғрисида 9-бобдан иборат НИЗОМ тасдиқланди.
Ушбу Низомга 1-бобига мувофиқ Рўйхатга олишни ўтказиш давомийлиги 25 кун этиб белгиланиб, рўйхатга олишнинг бошланиш вақти 2023 йил 1 ноябрь соат 00:00 этиб белгиланди. Рўйхатга олиш вақтида 2023 йил 1 ноябрдан сўнг туғилган болалар учун рўйхатга олиш ишлари амалга оширилмаслиги аксинча ушбу даврда вафот этганлар шахслар учун рўйхатга олиш ишлари амалга оширилиши белгилаб ўтилди.Шунингдек шахсга доир маълумотларни йиғишда респондентлар яшайдиган жойга шахсан ташриф буюрган ҳолда ва хар бир фуқаро учун алоҳида тўлдирилади. Аҳолини рўйхатга олишни ўтказиш даврида яшаш (турган) жойида ҳозир бўлмаган ёки вояга етмаган шахслар (респондентлар) тўғрисидаги шахсга доир маълумотлар мазкур уй хўжалигининг вояга етган аъзолари томонидан маълум килинади. Яшаб турган хонадонида (жойида) рўйхатдан ўтишни истамаган респондентлар учун рўйхатга олиш сўровномаларини тўлдириш туман (шахар) ҳокимликлар томонидан ажратилган бино ёки хоналарда жойлашган стационар участкаларда амалга оширилади.Респондент рўйхатга олиш варағидаги саволларга жавоб беришни рад этган тақдирда, рўйхатга олиш варағи фуқароларнинг ўзини ўзи бошқариш органларидаги ёки маҳаллий давлат ҳокимияти органларидаги мавжуд маълумотлар асосида тўлдирилади;Гапириши ва эшитишида нуқсони бўлган фуқароларнинг шахсга доир маълумотларини йиғиш тегишли ҳудуд бўйича ногиронлик жамиятларининг ҳодимлари ёки ушбу шахслар билан муомала қилиш имконияти мавжуд бўлган шахслар кўмагида амалга оширилади.Шахсга доир маълумотларни йиғиш ахборот хавфсизлигини таъминлаш талабларини ҳисобга олган ҳолда ахборот-коммуникация технологияларидан фойдаланиш орқали хам амалга оширилади.“Аҳолини рўйхатга олиш тўғрисида”ги Ўзбекистан Республикаси Қонунига мувофиқ Ўзбекистон Республикаси фуқаролари, доимий ёки вақтинча яшовчи ёхуд вақтинча Ўзбекистон Республикасида бўлиб турган чет эл фуқаролари ва фуқаролиги бўлмаган шахслар, шунингдек, Ўзбекистон Республикасида доимий яшовчи, аммо ахолини руйхатга олиш даврида вақтинча хорижий давлат худудида бўлган Ўзбекистон Республикаси фуқаролари респондент сифатида руйхатга олинади.
Тумандаги ижтимоий-маънавий муҳитни соғломлаштириш, аҳоли орасида Республикамизда амалга оширилаётган ислоҳотларнинг мазмун-моҳиятини тушунтириш юзасидан тадбирлар "Лайлак уя" МФЙда бўлиб ўтди. "Лайлак уя" МФЙ раиси ва маҳалла фаоллари билан ҳудудда амалга оширилиши лозим ишлар юзасидан суҳбат ўтказилди.
Тадбир давомида "Лайлак уя" МФЙда яшовчи ахоли вакиллари билан учрашув ҳам ташкил этилди. Учрашув давомида "Кийиниш одоблари", "Фарзанд тарбиясида китобхонликнинг аҳамияти " мавзуларида давра суҳбатлари ҳам ўтказилди.
Тадбирлар туманнинг "Янги ҳаёт" МФЙда ҳам ташкил этилди. Ушбу ҳудудда жойлашган 72-сонли мактабнинг мажлислар залида маҳаллий аҳоли вакиллари билан учрашув ташкил этилиб, унда "Ижтимоий тармоқлардан мақсадли фойдаланишнинг аҳамияти", "Чет маданиятининг зарарли таъсирлари", "Бола тарбияси оиладан бошланади" мавзуларида давра суҳбатлари ўтказилди. Аҳолини қизиқтираётган саволларига жавоблар берилди, аниқланган муаммоларни бартараф этиш чоралари белгиланди.
Туманимиздаги ижтимоий-маънавий муҳитни соғломлаштириш, аҳоли орасида Республикамизда амалга оширилаётган ислоҳотларнинг мазмун-моҳиятини тушунтириш юзасидан тадбирлар Чуст туман "Ёрқишлоқ" МФЙда ҳам амалга оширилди. Тадбирда 23-сонли мактабда маҳаллий аҳоли вакиллари билан "Ёшларнинг тарбиясига эътибор беришнинг ахамияти", "Бола тарбияси оиладан бошланади" мавзуларида давра суҳбатлари ўтказилди. Тадбир давомида ахолини қизиқтирган саволларга жавоблар ҳам берилди. Аниқланган камчилик ва муаммоларни бартараф этиш юзасидан чоралар белгиланди ва лозим бўлган тавсиялар берилди.
Муқаддас Рамазон ойини муносабати билан Чуст туманидаги "Гулистон" маҳалла фуқаролар йиғинида яшовчи ижтимоий ҳимояга муҳтож фуқаролар ҳолидан хабар олинди. Уларга озиқ-овқат маҳсулотлари топширилди.
Бу каби хайрли ишда бош бўлган Чуст туман "Маҳалла" хайрия жамоат фонди хамда "Гулистон" маҳалла фуқаролар йиғини раиси А.Мухторовларга миннатдорлик изҳор этамиз.