So'nggi yangiliklar
Yangiliklar
Ўзбекистон Республикаси Президентининг "Оила ва хотин-қизлар билан ишлаш, маҳалла ва нуронийларни қўллаб-қувватлаш тизимини такомиллаштириш чора-тадбирлари тўғрисида" 2022 йил 1 мартдаги ПФ-81-сон Фармони ҳамда Ўзбекистон Республикаси Президентининг "Оила ва хотин-қизлар давлат қўмитаси фаолиятини ташкил этиш тўғрисида" 2022 йил 1 мартдаги ПҚ-146-сон қарори ижросини жойларда самарали ташкил этиш, шунингдек, Вазирлар Маҳкамасининг 2022 йил 11 мартдаги 14/1-498-сонли топшириқ хати ижросини таъминлаш мақсадида Чуст туманида маҳаллалардаги хотин-қизлар фаоли лавозимига номзодларни саралаб олиш бўйича туман комиссияси иштирокида қайта кўриб суҳбат ўтказилди.
Унда Ўзбекистон Республикаси Президенти Администрацияси етакчи консультанти В. Ўринбоев, "Юксалиш" умуммиллий ҳаракатининг Наманган вилоят ҳудудий бўлинмаси раҳбари Н. Муҳамадиева иштирок этишди.
Давлат хизматини ривожлантириш агентлиги томонидан навбатдаги онлайн шаклда "Сиёсий (Маърифат) соати" ўтказилди.
Дастлаб юртимиз ва хорижий давлатлар ҳаётида рўй берган муҳим янгиликлар шарҳи билан танишилди.
Янги Ўзбекистоннинг 2022-2026 йилларда мўлжалланган тараққиёт Стратегияси йўналишлари ҳақидаги маърузада маънавият, китобхонлик, оммавий ахборот воситалари, маданият, санъат соҳаларини ривожлантириш бўйича амалга ошириладиган ишларга батафсил тўхталинди.
Шу билан бирга ҳафта давомида қабул қилинган норматив-ҳуқуқий ҳужжатларнинг мазмун-моҳияти ҳақида адлия вазирлиги бош маслаҳатчиси Дилмурод Ражабов ахборот берди.
Ўзбекистон Республикасида аҳолининг айрим тоифаларини рўйхатга олиш тартиблари.
Аҳолининг айрим тоифаларини рўйхатга олишнинг хусусиятлари:- чақирув асосида ҳарбий хизматни ўтаётган ҳарбий хизматчилар, шунингдек, ёпиқ ҳудудларда шартнома бўйича ҳарбий хизматни ўтаётган ҳарбий хизматчилар ва уларнинг оила аъзолари Мудофаа вазирлиги ва бошқа қуролли кучларнинг ёпиқ ҳудудлари бўйича рўйхатдан ўтадилар. Ёпиқ ҳудудлардан ташқарида ўз шахсий уйида истиқомат қилиб, ҳарбий хизматни ўтаётганлар ва уларнинг оила аъзолари доимий яшаш жойи бўйича рўйхатдан ўтадилар;- озодликдан маҳрум қилиш муассасаларидаги шахслар, жазони ўташ жойи бўйича рўйхатга олинади;- мактаб интернатларида таълим оладиган ва фақат дам олиш кунлари уйларига қайтадиган ўқувчилар ота ёки онасининг доимий яшаш жойи бўйича рўйхатга олинади;- рўйхатга олиш даврида шифохона, санатория ва шу каби бошқа ижтимоий ташкилотларда 1 йилдан ортиқ муддатдан буён даволанаётганлар ушбу ташкилотлар манзили бўйича рўйхатга олинади;- доимий яшаш жойига эга бўлмаган шахслар (уйсизлар) рўйхатга олувчига ажратилган ҳудуд (манзил) бўйича рўйхатга олинади. Агар рўйхатга олувчилар ўз участкасида уйсизларга дуч келса, уларни 4-шакл бўйича рўйхатдан ўтказади ва ҳар бири учун 2-шаклни ҳам тўлдиради;- Ўзбекистон Республикасининг чет элдаги дипломатик ваколатхоналари ва консуллик муассасалари, халқаро ташкилотлар қошидаги Ўзбекистон Республикаси ваколатхоналари ва миссиялари ходимлари бўлган фуқаролар ва уларнинг оила аъзолари, шунингдек, Ўзбекистон Республикаси Ташқи ишлар вазирлиги томонидан халқаро ҳукуматлараро ташкилотлардаги квоталанган лавозимларга юборилган фуқароларни рўйхатга олиш Ўзбекистон Республикаси Ташқи ишлар вазирлиги томонидан амалга оширилади.
Ҳар дилда ободлик ҳар дилда баҳор
Наврўзи олам шукуҳи барча маҳалла ва кўчаларда кезиб юрибди. 3-сектор ҳудудига қарашли "Ёрқишлоқ" маҳалласида ҳам Янгиланиш ва яшариш байрами Наврўзи олам кенг нишонланди.
Кўча ва қабристонлар, масжид, дала четлари, томорқалар ҳашар йўли билан ободонлаштирилди.
Кекса ва якка-ёлғизлар ҳолидан хабар олиниб, йўқловлар ташкил этилди.
Кўклам таомлари тайёрланиб, миллий ўйинлар ўтказилди.
Дилда эзгу тилаклар ижобатини сўраб, отахону онахонлар юзларига фотиҳа тортишди.
Сўнгги йилларда мамлакатимизда МТтизимига алоҳида эътибор қаратилиб, йўналиш тубдан такомиллаштирилмоқда. Биргина наманган вилоятининг Чуст тумани мисолида Мактабгача таълим вазирлигининг ташкил этилиши билан дастлаб аввалги йиллардаги қамров даражаси бўйича рақамларга эътибор қаратадиган бўлсак, 2017 йилда Чуст туманида 46 та давлат мактабгача таълим ташкилотларига 4 минг 996 нафар болалар қамраб олиниб, ҳудуддаги болаларнинг 24%ни ташкил этган бўлса, ҳозирги кунга келиб туманда жами мактабгача таълим ташкилотлари 251 тани ташкил этиб шундан, 63 та давлат, 3 та нодавлат, 1 давлат хусусий шерикчилик ҳамда 184 та оилавий нодавлат мактабгача таълим ташкилотларига жами 16 минг 896 нафар (11900 нафарга ортган) болалар қамраб олинди ва бу ҳудуддаги 21 минг 386 нафар болаларнинг 79 %ни (55%га ортган) ташкил этади. Бугун эса яна 2 та маскан фойдаланишга топшрилди. Очилиш маросимида Чуст туман ҳокими Бекзод Хамдамов ҳамда вилоят МТБ бошлиғи Ҳилола Юсупова иштирок этди. Айтиш жоиз, туманда қамровнинг бу даражасига эришишда мактабгача таълимнинг янги муқобил шаклларини, шу жумладан нодавлат мактабгача таълим ташкилотлари фаолиятини ҳаётга кенг жорий этиш ҳисобига эришилмоқда. Айниқса, болаларни мактабгача таълимга қамраб олиш даражаси паст бўлган ҳудудларда мактабгача таълимнинг муқобил шаклларини жорий этиш орқали болаларни мактабгача таълимга жалб этиш имкониятлари яратилмоқда. Чустнон-Дўстларобод маҳалласи жорий йил “Обод қишлоқ” давлат дастуридоирасида 25-сонли МТТ бутунлай янгича қиёфа касб этди. Бино 1974 йилда қурилган 70 ўринга мўлжалланган эди. Маҳаллий бюджет ҳисобидан 3 млрд 410 млн. сўм маблағ эвазига маскан мукаммал қайта қурилди. Бугун 120 ўринли замонавий, барча қулайликларни ўзида мужжасам этмоқда.“Звутқанд” маҳалласи ҳам чекка ҳудудлардан. Бу ерда ҳам 1975 йилда қурилган 50 ўринга мўлжалланган мослаштирилган эски бинода 19-сонли болалар боғчаси мавжуд эди. Тўғри бир неча бор таъмирланган. Лекин мукаммал эмас “Обод қишлоқ” Давлат дастури асосида 3 млрд 411 млн. сўм маҳаллий бюджет маблағлари ҳисобидан мукаммал қайта қурилди. Қамров сони ҳам кўпайди. 120 ўринли замонавий МТТ қад кўтарди. Чинданда, агарки шароит етарли даражада бўлса, таълим сифати ҳам ошади, тарбияланувчиларнинг ўзлаштириши ҳам юқори бўлади.