So'nggi yangiliklar
Yangiliklar
Меҳнатобод МФЙда болажонлар учун ажойиб туҳфа!Ҳудудда жойлашган 59-сонли мактабгача таълим ташкилоти “Инвестиция” дастурига асосида “Бинокор имкон дизайн сервис” МЧЖ томонидан 4 млрд 752 млн 629 минг сўм бюджет маблағлари ҳисобидан мукаммал қайта қуриш хисобига 85 кунда қуриб битказилди. Бугун эса бу ерда 150 ўринли замонавий, барча қулайликларга эга 59-сонли давлат мактабгача таълим ташкилоти фойдаланишга топширилди. Шу билан бирга мазкур мактабгача таълим ташкилоти 200 нафарга яқин 3-7 ёшли болаларни ўз бағрига қамраб олади. Келгусида 59-сонли давлат мактабгача таълим ташкилотида таълим-тарбия оладиган тарбияланувчилари зукко, Ватанимиз ривожига муносиб ҳиссасини қўшадиган билимли, Ватанига садоқатли фарзандлар бўлиб етишишларига ишонамиз!
Туманимиздаги ижтимоий-маънавий муҳитни соғломлаштириш юзасидан "Жаҳолатга қарши маърифат билан" рукнида Чуст туман "Камарсада" МФЙда жойлашган 7-сонли ДИМИ юқори синф ўқувчилари билан очиқ давра сухбати ташкил этилди. Тадбир иштирокчилари билан вақт қадри, илм олишнинг афзалликлари, турли хилдаги диний экстремистик оқимларнинг зарарли таъсирлари, кийиниш маданияти ва ёшларни қизиқтирган бошқа мавзуларда сухбатлар ўтказилиб, тушунтириш ишлари ташкил этилди. Иштирокчилар томонидан берилган саволлар юзаидан жавоблар тўлиқ берилди. Мавзуга оид видеоролик ҳам намойиш этилди. Шунингдек тадбирлар давомида "Дўстлик" МФЙда маҳаллабай тадбирлари ташкил этилди. Хонадонбай тартибида ташкил этилган тадбирда ахоли билан яқиндан мулоқот қилиниб, уларни қизиқтирган масалалар бўйича тушунтириш ишлари ташкил этилди. МФЙ фаоллари билан амалга оширилиши лозим ишлар юзасидан суҳбат ўтказилди.
Ўзбекистон Республикаси Вазирлар Маҳкамасининг 12.10.2022 йил кунги 587-сонли Қарорига асосан туман аҳолисини асосий турдаги қишлоқ хўжалиги ва озиқ-овқат маҳсулотлари билан кафолатли таъминлаш ички истеъмол бозорига маҳсулот етказиб берилишини тизимли мониторинг қилиш ҳамда назоратни йўлга қўйиш ва нарҳларнинг асоссиз ўсиб кетишига йўл қўймаслик мақсадида Департаментнинг Чуст туман бўлими, туман прокуратураси, туман ҳокимлиги ва бошқа мутасадди ташкилотлар билан ҳамкорликда 2022-2023 йилларнинг қиш-баҳор мавсумида аҳоли ва ижтимоий соҳа муассасаларининг асосий турдаги қишлоқ хўжалиги маҳсулотларига бўлган эҳтиёжини қондириш мақсадида туман “Халқ таълим бўлими”, туман “Соғлиқни сақлаш бўлими” ҳамда туман “Мактабгача таълим бўлим”лари томонидан яратилган захирани, бундан ташқари, тумандаги мавжуд тайёрлов корхоналар ва омборлардаги захираларни ҳақиқатда мавжудлиги ва ҳозирда захира қилиш ишлари давом эттирилаётганлиги юзасидан ўрганиш ишлари олиб борилди.Ўрганиш якуни бўйича 2022 йил октябрь-ноябрь ойларида туман ҳокимлигига ҳамда туман прокуратурасига асосий турдаги қишлоқ хўжалиги маҳсулотларини захирага жамғарилишининг умумий прогноз ҳажмлари бажарилиши бўйича ахборот киритилди.Департаментнинг Чуст туман бўлими инспектори Ш.М.Охунов
Чуст туманида қамровнинг бу даражасига эришишда мактабгача таълимнинг янги муқобил шаклларини, шу жумладан нодавлат мактабгача таълим ташкилотлари фаолиятини ҳаётга кенг жорий этиш ҳисобига эришилмоқда. Айниқса, болаларни мактабгача таълимга қамраб олиш даражаси паст бўлган ҳудудларда мактабгача таълимнинг муқобил шаклларини жорий этиш орқали болаларни мактабгача таълимга жалб этиш имкониятлари яратилмоқда. Чуст тумани "Карнон" қишлоғидаги ушбу мактабгача таълим ташкилоти 1973 йилда қурилган ва 50 ўринга мўлжалланган ва мослаштирилган филиал бино эди. 2 та гурух 60 нафар бола болаларга таълим тарбия беришда шарт шароитлар етарли бўлмаган. Бугун эса Муҳтарам Юртбошимизнинг мактабгача таълим тизимига алохида этиборлари натижасида сизлар кўриб турган замонавий типдаги болалар боғчаси биноси қад ростлади. Ушбу Юқори Карон МФЙда жойлашган 14-сонли мактабгача таълим ташкилоти “Опен бюджет” дастурига асосида “Инвент дизайн сервис” МЧЖ томонидан 895 млн. сўм бюджет маблағлари ҳисобидан мукаммал қайта қуриш хисобига 1 та қўшимча бино қурилиб мавжуд бинолар мукаммал замонавий типда таъмирланди. Бугун эса бу ерда 90 ўринли замонавий, барча қулайликларга эга 14-сонли давлат мактабгача таълим ташкилоти фойдаланишга топширилмоқда. Шу билан бирга мазкур мактабгача таълим ташкилоти 150 нафарга яқин 3-7 ёшли болаларни ўз бағрига қамраб олади. Эндиликда мазкур маскан барча шароитларни ўзида мужассам этган!
1-сектор ҳудудидаги Гулистон мфйда Ҳоким ва ёшлар учрашуви ўтказилди.
Қабулда ҳудуд ҳоким ёрдамчилари, корхона, ташкилот раҳбарлари ва маҳалланинг 15 дан зиёд фуқаролари иштирок этишди.
Очиқ мулоқотда фуқаролар уй-жой таъмири, йўл, иш билан таъминланиш, электр ва табиий газ таъминоти, тиббий-ижтимоий ёрдам ва бошқа ўзларини қийнаётган масалалар бўйича мурожаат қилишди.
Барча мурожаатлар тегишли тартибда рўйхатга олинди, 5 дан ортиқ мурожаатлар жойида ҳал этилди, айрим мурожаатлар ҳуқуқий маслаҳат ва тушунчалар билан қониқтирилди. Муддат талаб этилувчи мурожаатлар эса ҳал этиш учун тегишли мутасаддиларга бириктирилиб, назоратга олинди.