"Ҳоким ёрдамчиси" лавозимига суҳбат жараёнлари Чуст туманида хам бўлиб ўтмоқда.

"Ҳоким ёрдамчиси" лавозими бўйича номзодларни суҳбатдан ўтказиш учун Наманган вилоятига Республика ишчи гуруҳи ташриф буюрган эди.

Республика ишчи гуруҳи ҳозирга қадар Наманган шаҳар, Давлатобод, Янги Наманган туманларида бўлиб, ҳар бир номзодлар билан суҳбат ўтказилиб бўлинди.

Ҳозирги вақтда Поп тумани билан бир қаторда Чуст туманида хам "Ҳоким ёрдамчиси" лавозими бўйича номзодларни суҳбатдан ўтказилмоқда.

Ўзбекистон Президентининг тегишли фармонлари билан Кобул Бекназарович Турсунов Навоий вилояти ҳокими лавозимидан озод этилди.

Бу ҳақда президент матбуот котиби Шерзод Асадов хабар берди.

Шунингдек, Нормат Тулкунович Турсунов Навоий вилояти ҳокими вазифасини бажарувчи этиб тайинланди.

🧅 Пиёзнинг инсон танасига қанчалик фойдали эканини биласизми?

Гарчи кесган пайтимизда пиёз бизни йиғлатса-да, танамизга кирган заҳоти вазият бир зумда ўзгаради. Ҳар куни истеъмол қилинган пиёз соғлиғимизни мустаҳкамловчи витамин ва озуқавий моддаларга бой ажойиб таомдир. Пиёз қуйидаги хусусиятларга эга:

▪️Овқат ҳазм қилиш тизимини яхшилайди

▪️Оғиз бўшлиғи ва кўзлар саломатлиги учун фойдали

▪️ Холестеринни камайтиради ва юракка қувват беради

▪️ Ҳужайралар шикастланишининг олдини олади

▪️ Яхши уйқуни таъминлайди

▪️ Ёшга боғлиқ ўзгаришлар билан курашади, терини тиклайди

Ўзбекистон Республикаси давлат мустақиллигининг 30 йиллиги нишонланган ушбу йилда Чуст тумани пахтакорлари катта меҳнат муваффақиятини қўлга киритиб, йиллик шартномавий режани ортиғи билан бажардилар. “Наманган тўқимачи” МЧЖнинг кластер пахта қабул қилиш масканига 12400 тоннадан зиёд пахта хом-ашёсини топширдилар. Ҳар гектар ер ҳосилдорлиги 31,0 центнерни ташкил этди. Ана шу ҳосилнинг 10664 тоннаси биринчи навларга сотилди.

Барча соҳаларда бўлгани каби қишлоқ хўжалигида олиб борилаётган туб ислоҳотлар, янгича тизим, айниқса ғалла ва пахта етиштиришда давлат буюртмасини бекор қилиб, ушбу маҳсулотларни бозор тамойиллари асосида харид қилиш тизимига босқичма-босқич ўтилганлиги, кластер ва фермерлик ҳаракатини қўллаб-қувватлашга алоҳида эътибор қаратилаётганлиги ютуқларимизнинг муҳим омили бўлмоқда.

Фермер ва деҳқонлар манфаатдорлигини ошириш, маҳсулот етиштиришда уларга берилган кенг имконият ва эркинликлар тармоқ ходимларини янада ғайрат-шижоат кўрсатиб меҳнат қилишга руҳлантирди. Натижада бу йилги мавсумда Ўзбекистон “Сардорбек Шахзодбек”, “Чустий” ММТП ҳудудидаги “Мирзаобод Балиқчи” фермер хўжаликлари туманда биринчилардан бўлиб шартнома режасини бажаришга муваффақ бўлдилар. “Олмос” ММТП ҳудудидаги “Ҳабибжон Зияев”, “Юсуфжон хожи Избосаров”, “Баходир Улуғназар Ҳамроқулбой”, Ахча ММТП ҳудудидаги “Ахча Барака”, Сабзазор ММТП ҳудудидаги “Али қори”, Ўзбекистон ММТП ҳудудидаги “Бобуржон Холмаматович” фермер хўжаликларида ҳар гектар пахта майдонидан 43-50 центнердан ҳосил йиғиштириб олинди.

Эрта баҳорда 4004 гектар майдонга пахтанинг юқори ҳосилли ва эрта пишар чигит навлари жойлаштирилиб, тўла гектарлар яратилиб, ғўзаларни агротехника талаблари асосида парвариш қилинганлиги, ёқилғи, минерал ўғит, сув таъминоти, иш ҳақи беришда ҳеч қандай муаммоларга йўл қўйилмаганлиги мўл ва сифатли пахта етиштиришда қўл келди. Теримда 8,5 мингдан зиёд теримчи қалб амри, ўз ихтиёри билан уюшиб, мажбурий тарзда эмас, оилавий даромадларини яхшилаш мақсадида фаол иштирок этмоқдалар.Зафар муборак Чустлик уста деҳқонлар!!!