ҳолининг айрим тоифаларига нисбатан шахсга доир маълумотларни йиғиш

Аҳолини рўйхатга олишни ўтказиш санасида чақирув асосида муддатли ҳарбий хизматни ўтаётган ҳарбий хизматчилар бўлган, шунингдек контракт бўйича ҳарбий хизматга жалб этилган ҳарбий хизматчилар бўлган ва уларнинг ёпиқ ҳудудларда яшаётган оила аъзоси бўлган респондентлар ҳақидаги шахсга доир маълумотларни йиғиш ҳарбий қисм командири ёки у ваколат берган шахс томонидан амалга оширилади. Аҳолини рўйхатга олишни ўтказиш санасида:болалар интернатларида, тарбия муассасаларида, «Болалар шаҳарчалари»да;ижтимоий муассасаларда; диний муассасаларда; шифохоналарда ва бошқа соғлиқни сақлаш ташкилотларида;зўравонликдан жабрланган шахсларни реабилитация қилиш ва мослаштириш ҳамда ўз жонига қасд қилишнинг олдини олиш марказларида; қамоқда сақлаш жойларида, тергов ҳибсхонасида, ахлоқ тузатиш муассасаларида ва махсус муассасаларда яшаётган (бўлган) респондентлар тўғрисидаги шахсга доир маълумотларни йиғиш ушбу қисмда назарда тутилган муассасалар ҳамда ташкилотлар маъмуриятлари томонидан амалга оширилади.Ўзбекистон Республикасининг дипломатик ваколатхоналари ва консуллик муассасалари, шунингдек Ўзбекистон Республикасининг халқаро ташкилотлар ҳузуридаги ваколатхоналари ходимлари бўлган Ўзбекистон Республикаси фуқаролари ҳамда уларнинг ўзи билан бирга бўлган оила аъзолари, шу жумладан Ўзбекистон Республикаси Ташқи ишлар вазирлиги томонидан халқаро ҳукуматлараро ташкилотлардаги квоталанган лавозимларга юборилган фуқаролар Ўзбекистон Республикаси Ташқи ишлар вазирлиги томонидан рўйхатга олиниши лозим. Ўзбекистон Республикаси Ташқи ишлар вазирлигида аккредитация қилинган чет давлатлар доимий ваколатхоналарининг, халқаро, ҳукуматлараро ташкилотлар ва чет давлатлар ҳукумат ташкилотлари ваколатхоналарининг ходимлари бўлган чет эл фуқаролари ҳамда уларнинг оила аъзолари, шунингдек Ўзбекистон Республикасининг халқаро шартномаларига мувофиқ дипломатик имтиёзларга ва иммунитетга эга бўлган бошқа шахслар рўйхатга олинмайди.

Президент қарори амалда: кам таъминланган оилаларга пул ва янги йил совғалари етказиб берилмоқда

Ижтимоий ҳимояга муҳтож оилаларнинг турмуш даражасини оширишга қаратилган чора-тадбирларни давом эттириш, ушбу тоифа вакилларининг Янги йил байрамини кўтаринки руҳда ва муносиб нишонлашини таъминлаш мақсадида Президентимизнинг 2021 йил 21 декабрдаги “Аҳолининг кам таъминланган қатламларини қўллаб-қувватлаш ва ижтимоий ҳимоясини янада кучайтиришнинг қўшимча чора-тадбирлари тўғрисида” ги қарори қабул қилинди.

Шу муносабат билан бугун Чуст туманида сектор раҳбарлари бошчилигида ижтимоий ҳимояга муҳтож ва кам таъминланган оилаларга белгиланган пул маблағларини янги йил совғалари тарқатишни бошлаб бердилар.

Бугун туманимизда инсон қадрини юксалтириш йўлида эзгуликка йўғрилган тадбирлар давом этмоқда.

Ўзбекистон касаба уюшмалари Федерациясида “Менинг Президентим” ижодий ишлар танлови ғолибларини тантанали тақдирлаш маросими бўлиб ўтди. Унда Ўзбекистон Республикаси Олий Мажлиси депутатлари ва Сенат аъзолари, Халқ таълими вазирлиги раҳбарияти, Республика Маънавият ва маърифат маркази мутасаддилари, ёзувчи ва журналистлар, олимлар, шунингдек, ҳудудий студиялардан онлайн алоқа тизими орқали вилоят ҳокимларининг ўринбосарлари, халқ таълими вазирлигининг бошқарма ва бўлимлари раҳбарлари, танловда иштирок этган ўқувчиларнинг устозлари ва ота-оналари, мактаблар директорлари ҳамда касаба уюшмалари вакиллари иштирок этдилар.

П. С Чуст туманидаги 13-сонли умумий ўрта таълим мактаби ўқувчиси Мамаджонова Гулёра Баҳром қизи «Менинг Президентим» танловининг Республика босқичида иштирок этиб, номинация ғолиби бўлди.

Устозларига, ота-оналарига раҳмат!!!

Вилоятимизда йирик Металлургия заводи “TAI CHANG SPECIAL STEEL” МЧЖ шаклидаги қўшма корхонаси фойдаланишга топширилди.

Тадбиркорлик фаолиятини ривожлантиришга берилаётган эътибор натижасида йирик ишлаб чиқариш корхоналари сони кундан-кунга ортиб бормоқда. Бугун вилоятимиздаги йирик Металлургия заводи “TAI CHANG SPECIAL STEEL” МЧЖ шаклидаги қўшма корхонаси фойдаланишга топширилди.

“TAI CHANG SPECIAL STEEL” МЧЖ шаклидаги қўшма корхонасига 2019 йилнинг июнь ойида “Наманган” ЭИЗ ҳудудидан 30 гектар ер майдони ажратиб берилган ва ҳозирда мана шундай кўринишга келди. Корхонада метал маҳсулотлари ишлаб чиқариш лойиҳасини Хитой Халқ Республикаси инвесторлари билан ҳамкорликда 3 та босқичда амалга ошириш ҳамда 50 млн.доллар инвестиция маблағлари сарфлаш ва 800 нафар янги иш ўринларини яратиш режалаштирилган.

Корхонанинг 1-босқичи ишга тушиши натижадасида йилига 300 минг тонна жаҳон стандартларига мос ва импорт ўрнини босувчи ҳар-хил турдаги металопрокат маҳсулотлари (арматура, швеллер, катанка симлари ва бошқа) ишлаб чиқариш фаолияти йўлга қўйилди.

Ҳозирга қадар 28 млн.доллар маблағ (шундан7 млн.долл. маҳаллий тадбиркор, 6 млн.долл. банк кредити ва 15 млн.долл. хорижий инвестиция) жалб этилиб, лойиҳанинг 1-босқичи ишга туширилди ва 300 та доимий янги иш ўринлари яратилди.

Бугунги кунда 200 дан ортиқ ишчи ходимлар доимий иш ўринларига эга бўлиб, уларнинг 35 нафари “Темир дафтар”га кирган фуқароларни ташкил этмоқда.

Ушбу корхонанинг очилиш маросимида вилоят ҳокими Шавкатжон Абдуразаков иштирок этди.

Вилоят ҳокими барчани қутлаб, энг аввало ташаббускор тадбиркор ва инвесторлар, қурилишдан тортиб, мана шундай замонавий қиёфа касб этишига ўз ҳиссасини қўшган қурувчилар, аҳил жамоа ходимларига ўз миннатдорчилигини билдирди.