Xotin-qizlar bandligi oilaviy muammolar oldini olishda muhim ahamiyatga ega. Viloyat hokimi Chust tumanida fuqarolar murojaatlarini tingladi.
Bugun Namangan viloyati hokimi Shavkatjon Abdurazzoqov Chust tumanidagi o‘rganishlari davomida G‘ova qishlog‘idagi 72-sonli maktab hovlisida tuman prokuraturasi tashabbusi bilan tashkil etilgan "Bo‘sh ish o‘rinlari mehnat yarmarkasi" bilan tanishdi.
Shu joyda viloyat rahbari fuqarolarning murojaatlarini tingladi.
G‘ova qishlog‘idagi mahallalardan kelgan 55 nafar xotin-qizlarning ishga joylashish, kredit hamda subsidiya olish, xorijda sarson bo‘lib yurgan farzandini qaytarish kabi masalalari o‘rganilib, aksariyati shu joyning o‘zida hal etildi.
