Yangiliklar

Нуронийлар эъзозда

Ёши улуғ, нуронийларини эъзозлаган юрт юксалаверади. Чуст тумани нуронийлари учун сайёҳат уюштирилди. Биринчи манзил Чортоқ туманидаги "Султон Увайс Қароний" зиёратгоҳи бўлди. Айни пайтда фахрийлар муқаддас қадамжо билан яқиндан танишиб, ўтганлар ҳаққига қуръон тиловат қилишди. 

 

Албатта, бундай эҳтиром кекса авлод вакилларига кўрсатилаётган ғамхўрликнинг амалдаги ёрқин ифодасидир. Ташриф буюрганлар орасида туманнинг ижтимоий-иқтисодий ривожланишида ўз ҳиссасини қўшган устозлар ҳам бор.

18 ноябрь – Ўзбекистон Республикасининг “Давлат байроғи тўғрисида”ги Қонуни қабул қилинган кун

Байроғимиз давлатимиз суверенитетининг рамзидир. У халқимизнинг шонли тарихи ва эзгу интилишларини ўзида мужассам этиб, тинч ва осойишта, эркин ҳаётимиз, ёруғ келажагимизга бўлган ишончимизнинг тимсоли саналади. 

 

Бугун 29 ёшини нишонлаётган байроғимиз мустақиллигимиз ифодаси сифатида жаҳоннинг юксак минбарларида ҳилпираб тураверсин!

"Янги Ўзбекистон янгича дунёқараш" Чуст туманида

Ҳар дилда ватан мадҳи! Ҳаётга бўлган қарашлар, ташаббус ва ғайрат, шижоат ҳамюртларимиз дилидаги эзгу мақсадлардан биридир! 

 

"Янги Ўзбекистон-Янгича дунёқараш" шиори остида ўтаётган тадбирлар эса улар қалбида олға интилишга муҳим туртки саналади. 

 

Туман "Маданият маркази" да бўлиб ўтган тадбир юртдошларимизга олам-олам қувонч бахш этди.

Ўзбекистонда 2023 йилда аҳолини рўйхатга олиш амалга оширилади

Ҳукумат қарори билан (710-сон, 11.11.2020 й.) Ўзбекистонда 2023 йилда аҳолини рўйхатга олишга тайёргарлик кўриш ва уни ўтказиш тартиби тўғрисидаги низом тасдиқланди.

 

2021 йил 1–25 ноябрда Андижон вилояти Хўжаобод тумани, Тошкент вилояти Юқори Чирчиқ тумани, Хива шаҳри ҳамда Тошкент шаҳри Яшнобод туманларида аҳоли синов тариқасида рўйхатга олинади.

 

Бутун аҳолини рўйхатга олиш эса 2023 йил 1–25 ноябрда қуйидагича амалга оширилади:

 

● 1–5 ноябрда аҳоли интернет тармоғи орқали рўйхатга олинади;

● 6–10 ноябрда интернет орқали рўйхатга олинган респондентлар ва уларнинг уй манзиллари рўйхати шакллантирилади;

● 11–22 ноябрда аҳолини рўйхатга олиш варағи шакллари асосида уйма-уй юриб аҳоли рўйхатга олинади;

● 23–25 ноябрда ҳар бир участкадаги уй-жой манзилларининг 10 фоизи танланма равишда назорат кузатуви асосида ўрганилади.

 

Қарор билан аҳолини рўйхатга олиш жараёнларига жалб этиладиган шахсларга ҳақ тўлаш тартиби ва миқдорлари тасдиқланди.

Халқ дарди раҳбарлар нигоҳида

"Бибиона" зиёратгоҳи бугун яна бир эзгу мақсадга манзил бўлмоқда. Президент Админстрацияси, Халқ Қабулхоналари,  Олий Суд, Бош прокуратура ва 20га яқин вазирликларнинг сайёр қабули бўлиб ўтди.

Аҳамиятлиси, мазкур мулоқотда 3 та Чуст,Поп, Мингбулоқ туманлари фуқаролари ўз мурожаатлари билан иштирок этишди.қабул ўз навбатида ОАВ шунингдек, блогерларни ижодга чорлади.

Чустлик блогер Ўткирбек Халилов ҳам юртдошларимизни ўйлантираётган муаммо ва масалаларни кузатиб, уни омма эътиборига ҳавола этиб бордилар.

Озиқ-овқат хавфсизлиги ва нарх-навонинг барқарорлиги доимий назоратда

Хабарингиз бор, жорий йилнинг 16 октябрь куни давлатимиз раҳбари бошчилигида видеоселектор йиғилиши бўлиб ўтди. Унда "Озиқ-овқат хавфсизлигини таъминлаш ва ички бозорда нарх-наво барқарорлигини сақлаш чора-тадбирлари юзасидан" қатор масалалар муҳокама этилди.

Ҳар бир ҳудудда озиқ-овқат хавфсизлиги бўйича алоҳида жамғармалар ташкил этилиши белгиланди. Йирик хорижий ишлаб чиқарувчиларнинг маҳаллий биржадаги иштирокини кенгайтириш зарурлиги таъкидланди.

Вилоятлар ҳокимлари аҳолини озиқ-овқат маҳсулотлари билан ойма-ой узлуксиз таъминлаш режалари юзасидан ҳисобот берди.

 

Мазкур видеоселекторда берилган топшириқлар ижросини таъминлаш мақсадида Чуст туман ҳокими Бекзод Хамдамов  туман марказидаги "Деҳқон бозори" да бўлиб бу ерда яратилган шароитлар билан танишди.

 

Бозордаги нарх-наволар билан қизиқиб, сотувчилар ҳамда фуқаролар билан мулоқотда бўлди.

 

Мутасаддиларга "Чуст деҳқон бозори" даги шароитларни янада яхшилаш юзасидан тегишли кўрсатмалар берилди.

 

Чуст туман ҳокимлиги ахборот хизмати

Чуст туманида Фарғона вилоятининг ISHONCH савдо маркази филиали иш бошлади.

Manzil

161100, Chust shahri

Tel: (0-369) 42-33-741, 42-33-600

E-mail: chusttumhok@umail.uz

 

E'lonlar va tanlovlar

      Fotogalereya

      • 1.jpg
      • 2.jpg
      • bekz.jpg
      • IMG_20200312_161137_029.jpg
      • photo_2020-10-12_17-26-45.jpg